Buyuk Britaniyaning dengiz floti esminesi Kiprdagi bazani himoya qilish uchun O‘rta yer dengiziga yetib keldi

Buyuk Britaniya Qirollik dengiz flotining HMS Dragon esminesi Kiprdagi Akrotiri harbiy bazasini himoya qilish uchun Sharqiy O‘rta yer dengiziga yetib keldi.

Buyuk Britaniya mudofaa vaziri Jon Xili bu haqda parlamentdagi nutqida ma’lum qildi.

"HMS Dragon kecha kechqurun Kipr va ittifoqdoshlar mudofaa tizimiga operasion integrasiyani boshlaydi", dedi u.

10 mart kuni HMS Dragon esminesi Portsmutdan jo‘nab ketdi va Akrotiridagi Britaniya aviabazasi xavfsizligini mustahkamlash uchun Sharqiy O‘rta yer dengiziga yo‘l oldi. Bazaga 2 mart kuni Livan yoki Iroqdan dron hujum qilgan.