Buyuk Britaniya olimlari ilk bor tug‘ma ko‘rlikni davolashga muvaffaq bo‘ldi

🔬 Zamonaviy tibbiyotda keng qo‘llanila boshlangan gen terapiyasi ilgari davosiz hisoblangan qator kasalliklar muolajacida olamshumul ahamiyat kasb etmoqda.

📰 Buyuk Britaniya olimlari buni amaliyotda yana bir bor tasdiqlashga erishdi. Bu haqda “The Guardian” nashri xabar berdi.

📌 Qayd etilishicha, londonlik mutaxassislar sa’y-harakati bilan ko‘rlikni keltirib chiqaruvchi kamyob genetik kasallik — tug‘ma Leber amavroziga chalingan 4 nafar bolaning qorachiqlariga nur qaytdi.

🔎 Buning uchun ko‘rish qobiliyatidan bebahra tug‘ilgan o‘g‘il-qizlarning ko‘z sohasida ilk bor o‘ta noyob hisoblangan gen mikroxirurgik operasiyasi o‘tkazildi.

📍 Bemorlar — AQSH, Turkiya va Tunisda dunyoga kelgan kichkintoylar. Ular AIPL1 genidagi nuqson tufayli tug‘ilganidan buyon ko‘rish qobiliyatiga ega emas.

➡️ London klinikalaridan birida o‘tkazilgan operasiya atigi 60 daqiqa davom etdi. Shu vaqt ichida zararsiz virus bilan qoplangan AIPL1 genining sog‘lom versiyasi mikrojarrohlik usuli yordamida jajji bemorlar ko‘z to‘r pardasiga joylashtirildi.

👁 Endi bolalar ob’ektlarni bemalol ajrata oladi. Olamni yorqin ranglarda ko‘ra boshladi. Ba’zilari, hatto, o‘qish va yozishga ham kirishdi.

‼️ Londonlik oftalmolog, professor Mishel Mixaelidesning fikricha, ushbu natijalar hayratlanarli hamda kelgusida gen terapiyasi imkoniyatlaridan yanada kengroq foydalanish uchun asos bo‘ladi.