Buyuk Britaniya Eronga zarba berish uchun o‘z bazalarini AQShga taqdim etmaydi

The i Paper nashrining xabar berishicha, London Erondagi ko‘priklar va elektr stansiyalariga zarba berish maqsadida Britaniya harbiy bazalaridan foydalanilishiga ruxsat bermaydi. Mamlakat hukumati bazalarni faqat "mudofaa" operasiyalari uchun taqdim etishga tayyor, Donald Trampning tahdidlari esa bu ta’rifga mos kelmaydi.

Hozirda London va Vashington o‘rtasida ushbu masalada keskinlik kuzatilyapti. Britaniya tomoni mintaqaviy urush ko‘lamining kengayib ketishidan xavotirda va hujumkor amaliyotlarda ishtirok etishdan tiyilmoqda, deyiladi nashr xabarida.