Ma’lumotlarga ko‘ra, Burak O‘zchivit hamkasblarini haqorat qilib, suratga olish maydonchasini tark etgan, shundan keyin yana ortga qaytib, janjal ko‘targan. Natijada ijodkorlar aktyorning bu qilmishi uchun uni sudga berishgan.
Istanbul shahrining Beykoz tumani bosh prokuraturasi Burak O‘zchivitga qarshi “bittadan ortiq odamni namoyishkorona haqorat qilganlik” aybi bilan tergov ishlarini boshlagan.
Aktyorning o‘zi esa ayblovni inkor qilmoqda.
“Meni taniydigan odamlar kimnidir haqorat qiladigan inson emasligimni yaxshi bilishadi. Bu odamlar meni qoralash uchun nomimdan foydalanishyapti”, dedi ijodkor.
Mahalliy nashrlarning xabar berishlaricha, ayni vaqtda bu ish bilan prokuratura shug‘ullanmoqda.