Bugun O‘zbekistonning 12 hududida 1 554 nafar bemor sog‘aydi

Bugun mamlakatimizning 12 ta hududida koronavirus infeksiyasidan davolanayotgan bemorlardan 1 554 nafari sog‘aydi. 

Jumladan, bemorlarning 1 198 nafari Toshkent shahrida, 204 nafari Toshkent viloyatida, 39 nafari Samarqand viloyatida, 26 nafari Namangan viloyatida, 18 nafari Qashqadaryo viloyatida, 17 nafari Sirdaryo viloyatida, 13 nafari Buxoro viloyatida, 11 nafardan Andijon, Surxondaryo va Xorazm viloyatlarida, 4 nafari Qoraqalpog‘iston Respublikasida hamda 2 nafari Farg‘ona viloyatida kasallikdan forig‘ bo‘ldi.

Eslatib o‘tamiz, kecha, ya’ni 12 avgust kuni mamlakatimizning turli hududlarida 1 569 nafar bemor tuzalib, sog‘ayganlar ko‘rsatkichi bo‘yicha rekord natija qayd etilgan edi.

Shunday qilib, yurtimizda 27 213 nafar koronavirus infeksiyasiga chalingan fuqarolar tuzalib, sog‘ayish ko‘rsatkichi 82 foizni tashkil qilmoqda.

Sog‘liqni saqlash vazirligi
Jamoatchilik bilan aloqalar bo‘limi.