Bu yilgi prezidentlik saylovlari AQSh tarixidagi eng qimmat saylov hisoblanadi

Joriy yilda AQSh prezidentligiga nomzodlar va qonunchilarning Kongressning har ikki palatasida saylovoldi tashviqotiga 15,9 milliard dollar sarflangan. Bunday ma’lumotlarni 5 noyabr kuni Amerikaning OpenSecrets notijorat tashkiloti e’lon qildi.

Bu mablag‘ 2020-yilgi saylov kampaniyasiga sarflangan mablag‘dan oshib ketdi – 15,1 milliard dollar. Taqqoslash uchun, 2016 yilda tashkilot ma’lumotlariga ko‘ra, saylov poygasi 6,5 milliard dollarga tushgan.
Shu tariqa, 2024-yilgi prezidentlik saylovlari AQSh tarixidagi eng qimmat saylovga aylandi, deb yozadi AFP.

OpenSecrets ma’lumotlariga ko‘ra, Demokratik nomzod Kamala Xarris uni qo‘llab-quvvatlash uchun mablag‘ to‘plashda ko‘proq muvaffaqiyat qozongan.

Britaniyaning Financial Times (FT) hisob-kitoblariga ko‘ra, Xarris o‘z saylovoldi kampaniyasi uchun 2,3 milliard dollardan ko‘proq pul yig‘ishga muvaffaq bo‘lgan, shundan 1,9 milliard dollarni Oq uyning sobiq rahbari yig‘ib, 1,6 milliard dollarni sarflagan bu mablag‘lar ommaviy axborot vositalarida, Internetda va Amerika shaharlari ko‘chalarida - asosan ovoz berish natijalari uchun kalit bo‘lgan shtatlarda reklama kampaniyalariga sarflangan. Operasiyalar va ma’muriy xarajatlar ikkala nomzod uchun ikkinchi eng katta xarajat bo‘lib, Xarris uchun 250 million dollar va Tramp uchun taxminan 200 million dollarni tashkil etdi.