O‘zbekiston elchixonasi ko‘magida O‘zbekiston Tashqi mehnat migrasiyasi vakillari va britaniyalik ish beruvchilar ishtirokida gibrid formatda uchrashuv tashkil etildi, deb xabar bermoqda “Dunyo”.
Muloqot davomida 2023 yilda Britaniya hukumati tomonidan mavsumiy xorijiy mehnat migrantlari uchun ajratilgan 45 mingta kvota doirasida O‘zbekistondan ishchi kuchini jalb etish, mehnat muhojirlariga yaratiladigan shart-sharoitlar, ularning huquq va manfaatlari yuzasidan fikr almashildi.
Britaniya Ish beruvchilar assosiasiyasi rahbari Devid Kemp bu sohada O‘zbekiston bilan hamkorlik qilish ikki tomon uchun manfaatli bo‘lishini ta’kidladi. Uning aytishicha, hozirgi kunda Britaniyada ishchi kuchiga bo‘lgan ehtiyoj oshib borayotgani sababli hukumat tomonidan ajratilgan kvota doirasida O‘zbekistondan mehnat migrantlarini mavsumiy qishloq xo‘jaligi ishlariga jalb etish imkoniyati mavjud. Bu borada Britaniyaning rekruting kompaniyalari bilan hamkorlikni yanada jadallashtirish kerak.
Soncordia kompaniyasi direktori Simon Bovyer, o‘z navbatida, 2021-2022 yillar davomida mazkur yo‘nalishda O‘zbekiston bilan amalga oshirilgan samarali hamkorlik natijasida 2023 yilda o‘zbekistonlik mehnat migrantlarini ish bilan ta’minlashga tayyorligini aytdi.
Uchrashuv yakunida mazkur yo‘nalishdagi o‘zaro hamkorlikni rivojlantirish, ikki tomonlama memorandum loyihalarini ishlab chiqish va imzolashga kelishib olindi.
Shoygu urush tugaydigan “aniq va shubhasiz” sanani ma’lum qildi
Rossiya hukumati bunga rozi bo‘ldi
Kreml Checheniston rahbari o‘rniga nomzod qidirmoqda
