Britaniya noqonuniy migrasiya tashkilotchilariga qarshi sanksiyalar joriy qiladi

Buyuk Britaniya hukumati noqonuniy migrasiya tashkilotchilariga qarshi dunyodagi birinchi sanksiya rejimini joriy qilmoqchi.

Bu haqda Buyuk Britaniya tashqi ishlar vazirligi bayonotida aytilgan.

Rejim 2025 yilgacha kuchga kirishi kutilmoqda. Rejaning o‘zi 9 yanvar kuni tashqi ishlar vaziri Devid Lemmi tomonidan taqdim etiladi. Tashqi ishlar vazirligi bayonotida aytilishicha, rasmiylarning harakatlari "odamlar kontrabandasi bilan shug‘ullanuvchi jinoiy guruhlar faoliyatini falaj qilish va ularni moliyalashtirishdan mahrum qilish"ga qaratilgan.

Buyuk Britaniyada noqonuniy immigrasiya muammosi mamlakat Yevropa Ittifoqidan chiqqanidan keyin keskinlashdi, garchi bu masala Brexitning asosiy sabablaridan biri bo‘lgan bo‘lsa ham. 2018 yildan beri 150 mingdan ortiq noqonuniy muhojir puflanuvchi qayiqlarda La-Mansh bo‘yi orqali qirollikka o‘tgan. 4 iyulda bo‘lib o‘tgan umumiy saylovlardan so‘ng tuzilgan leyboristlar hukumati Britaniyaga noqonuniy muhojirlar oqimining oldini olish uchun Yevropa Ittifoqi davlatlari bilan hamkorlikni kuchaytirishga va’da berdi.