Britaniya harbiysi: NATO Rossiya bilan urushda g‘alaba qozona olmaydi

Qirollik dengiz floti kapitani, istifodagi kommodor Stiv Jermi NATOning Rossiya bilan ehtimoliy to‘qnashuvda g‘alaba qozonish imkoni yo‘qligini bildirdi. U bu haqda Deniel Devisning YouTube kanaliga bergan suhbatida aytdi.

Jermiy NATO bosh kotibi Mark Ryuttening Rossiya haqidagi bayonotiga izoh berib, “Moskva hech qachon alyans davlatlariga hujum qilish niyatida bo‘lmagan”, deya ta’kidladi.

“Rossiyaga qarshi muvaffaqiyatli kurashish mumkin degan g‘oya — bu xayol, reallik emas,” — dedi u.

Kommodorning so‘zlariga ko‘ra, G‘arbdagi Rossiyaga nisbatan keskin ritorika faqat “gijgijlash va siyosiy foyda” uchun ishlatiladi, ammo buning oqibati uchun hech kim javob bermaydi.