Braziliyada bir kishi Oliy sud oldida o‘zini portlatib yubordi

Braziliyada bir kishi Oliy sud binosi yonida xudkushlik hujumini amalga oshirdi. Sud binosidan barcha odamlar zudlik bilan evakuasiya qilindi.

Dastlabki ma’lumotlarga ko‘ra, erkak ichkariga kirishga uringan, biroq bunga erisha olmagan. Shundan so‘ng u to‘g‘ridan-to‘g‘ri Oliy sudga kiraverishda portlovchi moslamani ishga tushirdi, dedi Federal okrug vise-gubernatori Selina Lin.

Ko‘p o‘tmay ikkinchi portlash sodir bo‘ldi - marhumga tegishli bo‘lgan avtomobil yukxonasi portlab ketdi. Oxir-oqibat, hech kim jabrlanmadi.

Guvohlarning aytishicha, ikki portlash orasida taxminan 20 soniya o‘tgan. Polisiya hozircha marhumning shaxsini aniqlamadi, chunki uning tanasida boshqa portlovchi moddalar bo‘lishi mumkinligi ehtimoli bor. Voqea sabablari va holatlari aniqlanmoqda, tergov harakatlari olib borilmoqda.

Portlashlar Rio-de-Janeyrodagi G20 sammiti va Xitoy rahbari Si Szinpinning Braziliyaga davlat tashrifidan bir necha kun oldin sodir bo‘lgan.