Boston okrug sudi Tramp ma’muriyatining migrantlarni Liviya va Salvador davlatlariga chiqarib yuborish rejasini rad etdi — Reuters

Nashrga ko‘ra, sud bu rejani xavfli deb topgan va agar noto‘g‘ri qaror qabul qilinsa, migrantlar uchun qaytarib bo‘lmaydigan zarar bo‘lishi mumkinligini bildirgan.

Prezident Donald Tramp qabul qilgan dasturga ko‘ra, Qo‘shma Shtatlardan chiqarib yuboriladigan noqonuniy migrantlar, shu jumladan hozirda AQSh qamoqxonalarida saqlanayotganlari ham, ularning xavfsizligi ta’minlanmagan davlatlarga, masalan, Liviyaga yuborilishi rejalashtirilgan edi.

Sud vakillarining ta’kidlashicha, migrantlarni Liviyaga yuborish katta xavotirlarni uyg‘otadi, chunki u yerda hozirda tartibsizliklar, zo‘ravonlik va beqarorlik kuchli. Bunday sharoitda odamlarni ushbu mamlakatga deportasiya qilish inson huquqlari nuqtayi nazaridan xavfli va nojoiz deb baholanmoqda.