Portlash xavfi sababli Toj Mahaldan mingga yaqin turist evakuasiya qilindi, deb xabar berdi One India.
Evakuasiya noma’lum shaxs qo‘ng‘iroq qilib ushbu tarixiy obida ichida bomba borligi to‘g‘risida xabar berganidan so‘ng amalga oshirilgan.
Hindiston qurolli kuchlari va Agra polisiyasi turistlarni zudlik bilan Toj Mahaldan olib chiqib ketgan va bombani qidirishga kirishgan. Ammo bomba topilmagan.
Polisiyaning ma’lum qilishicha, xabar yolg‘on bo‘lib, qo‘ng‘iroq Uttar-Pradesh shtatidagi Feruzobod shahridan amalga oshirilgan.
Toj Mahal yarim yil yopiq turganidan so‘ng o‘tgan yilning 21 sentyabrida ochilgandi.