Boltiq dengizi tubidagi kabellarga zarar yetkazganlikda gumon qilinayotgan Xitoy kemasi kapitani aslida kim?

Boltiq dengizi tubidagi kabellarga zarar yetkazganlikda gumon qilinayotgan Xitoy kemasi kapitani Rossiya fuqarosi bo‘lib chiqdi.

Germaniya federal polisiyasi Finlyandiya va Shvesiyani Boltiq dengizidagi telekommunikasiya kabellarini uzib qo‘ygan ehtimoliy qo‘poruvchilik ishlarini tergov qilishda qo‘llab-quvvatlashni boshladi. Bild nemis qirg‘oq qo‘riqlash kemasi Finlyandiya va Shvesiyaga yordam berish uchun yuborilishini va tez orada suzib ketishini bilib oldi.

Bir kun avval Boltiq dengizi tubiga yotqizilgan ikkita suv osti telekommunikasiya kabeli ishdan chiqqan edi. 1173 kilometr uzunlikdagi kabellardan biri Xelsinki va Germaniyaning Rostok shahrini bog‘ladi. Nosozlik sabablari hozircha aniq emas va hozirda tergov davom etmoqda.

Germaniya mudofaa vaziri Boris Pistorius allaqachon suv osti kabellariga etkazilgan zarar «qasddan» qilinganligini aytdi.

Bir versiyaga ko‘ra, kabellar langar yoki suvga tushirilgan pastki trol tomonidan sindirilgan bo‘lishi mumkin. Xitoyning «Yi Peng 3» yuk kemasi shubha ostiga tushdi. Kema o‘zining g‘alati marshrutlari bilan e’tiborni tortdi, shuning uchun uni Daniya harbiy-dengiz kuchlarining ikki kemasi kuzatib bordi.

Ijtimoiy tarmoqlardagi xabarlarga ko‘ra, daniyaliklar Yi Peng 3 ga yetib olishgan va uni to‘xtatib qo‘yishgan. Kema kapitani Rossiya fuqarosi bo‘lib chiqdi.