"Bolali oilalarga ipoteka foiz stavkalarini pasaytirish kerak" - deputat

Rossiyada yosh oilalarga imtiyozli shartlarda ijaraga beriladigan uy-joylar soni oshiriladi. Bu haqda Davlat Dumasining Oila, ayollar va bolalar qo‘mitasi a’zosi Olga Korobova so‘z ochdi.

Deputat ta’kidlaganidek, Rossiyadagi yoshlarning uchdan biridan ko‘prog‘ida uy-joyning yo‘qligi turmush qurishga to‘sqinlik qilayotgan asosiy omildir. "Oilada bolalar tug‘ilganda ipoteka foiz stavkalarini bosqichma-bosqich pasaytirish kerak", dedi Korobova.

Iyul oyida Davlat Dumasi spikeri o‘rinbosari Boris Chernishov Rossiya hukumatiga bola tug‘ilganda otalar uchun ikki haftalik majburiy haq to‘lanadigan ta’til joriy etishni taklif qiluvchi qonun loyihasini yuborgan.