Armaniston konstitusiyasida Qorabog‘ni Armaniston bilan birligi to‘g‘risidagi hujjatga ishora bor ekan, rasmiy Boku Yerevan bilan tinchlik shartnomasi tuza olmaydi — Ozarboyjon prezidenti Ilhom Aliyev.
“Armaniston konstitusiyasida Ozarboyjon uchun aniq hududiy xavf tug‘diruvchi Mustaqillik deklarasiyasiga havolalar mavjud, chunki unda Tog‘li Qorabog‘ va Armaniston birligiga ishora qiluvchi band mavjud ekan, tinchlik bo‘yicha kelishuv imkonsiz”, — deya ta’kidladi Aliyev.
Shu bilan birga, Aliyev Ozarboyjonning Armaniston konstitusiyasini o‘zgartirish haqidagi talablari Armaniston ishlariga aralashish hisoblanmasligini qo‘shimcha qildi.
