Xoldorov professional boksdagi 5-jangini 16 aprel kuni Meksikada Eleazar Valensuela Karrilyoga qarshi o‘tkazdi.
Prof boksda -64 kg vazn toifasida mag‘lubiyat nimaligini bilmay kelayotgan andijonlik sportchi bu safargi jangida ham ringda ishonchli harakat qildi. U 1- raundning o‘zidayoq raqibiga kuchli va aniq zarbalar yo‘lladi, natijada referi jangni to‘xtadi.
Shu tariqa 26 yoshli bokschi muddatidan oldin jang g‘olibi deb topildi. Bu Xoldorovning ketma-ket 5- g‘alabasi bo‘ldi.
Valensuela esa faoliyatidagi 57-jangda 26-mag‘lubiyatni qabul qilib oldi. Uning hisobida 25 g‘alaba va 6 durang ham bor.
