Bir kechada Toshkentning uchta tumanida 7 ta avtomashina ishtirokida YTH sodir bo‘ldi

Kecha, 26 dekabrdan 27 dekabrga o‘tar kechasi Toshkentning 3 ta tumanida 7 ta avtomashina ishtirokida yo‘l-transport hodisasi sodir bo‘ldi.

Uchtepa tumani TXAY ko‘chasida soah 00:40 atrofida sodir bo‘lgan YTHda haydovchi 1999 yilda tug‘ilgan N.K. Tracker avtomashinasini boshqarib ketayotib, rul boshqaruvini yo‘qotishi natijasida yo‘dni ajratib turuvchi beton to‘siqqa va beton sim yog‘ochga urilishi oqibatida yo‘l transport hodisasi sodir bo‘lgan.

Ushbu YTH natijasida, haydovchiga birinchi tez tibbiy yordam ko‘rsatish maqsadida shifoxonaga olib ketilgan.

Olmazor tumani, Beruniy ko‘chasida soat 00:45 atrofida sodir bo‘lgan YTHda Malibu-2, Cobalt, BMW va Matiz avtomashinalari to‘qnashuvi natijasida yo‘l-transport hodisasi sodir bo‘lgan.

Ushbu YTH natijasida BMW avtomashina yo‘lovchisi 1992 yilda tug‘ilgan F.A.ga tez yordam xodimlari tomonidan birinchi tez tibbiy yordam ko‘rsatilgan.

Mirzo Ulug‘bek tumani Oltintepa ko‘chasida soat 01:10 atrofida sodir bo‘lgan YTHda 2004 yilda tug‘ilgan haydovchi D.A. boshqaruvidagi Nexia-3 hamda 1979 yilda tug‘ilgan haydovchi boshqaruvida bo‘lgan Captiva avtomashinalari to‘qnashuvi natijasida YTH sodir bo‘lgan.

YTH natijasida Nexia-3 avtomashinasi haydovchisi shifoxonaga olib ketilgan.

Hodisa yuqoridagi mazkur holatlar yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.