Fransiya "Al-Qoida" guruhi asoschisi Osama bin Lodinning o‘g‘li Umar bin Lodenni o‘z hududidan deportasiya qildi. Bu haqda mamlakat ichki ishlar vaziri Bruno Retayloning bayonotiga tayanib, Reuters nashri xabar berdi.
Qayd etilishicha, Umar bin Lodin yillar davomida Fransiyaning shimoliy qismidagi Normandiya mintaqasining Domfort qishlog‘ida istiqomat qilib, u yerda manzaralar chizish bilan shug‘ullangan. Mahalliy "Le Publicateur Libre" haftalik gazetasining xabar berishicha, eng mashhur terrorchining o‘g‘li otasining tug‘ilgan kunida ijtimoiy tarmoqda qilgan e’loni tufayli Fransiya hokimiyati organlarining e’tiborini o‘ziga jalb etgan.
"Bir necha yil davomida Orn mintaqasida Britaniya fuqarosining eri sifatida yashagan janob bin Laden 2023 yilda o‘zining ijtimoiy tarmoqlarida terrorizmni ulug‘lovchi sharhlarni e’lon qilgan," - dedi Retaylo.
Vazirning so‘zlariga ko‘ra, bin Laden allaqachon Fransiyadan deportasiya qilingan va endi unga bu mamlakatga qaytish taqiqlangan. Bin Laden qachon va qaysi davlatga deportasiya qilingani aniq emas.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
16 dekabr kuni yana izg‘irin sovuq qaytadi
