Xitoyning besh fuqarosining Rossiyaga kirishiga ruxsat berilmagani bilan bog‘liq vaziyat “siyosiy kontekst”dan xoli va Moskva va Pekin munosabatlariga ta’sir qilmaydi. Bu haqda Rossiya TIV axborot va matbuot departamenti direktori o‘rinbosari Aleksey Zaysev ma’lum qildi, deya xabar beradi “TASS”.
“Shubhasiz, Astraxandagi voqea siyosiy kontekstdan tashqarida. Ishonchim komilki, sodir bo‘lgan voqealar ikki tomonlama munosabatlarning umumiy holatiga hech qanday ta’sir ko‘rsatmaydi. Aftidan, shov-shuv ko‘tarish Rossiya Federasiyasi va Xitoy o‘rtasidagi do‘stlikka putur yetkazmoqchi bo‘lgan oddiy xayolparastlarimiz uchun foydalidir ”, dedi Zaysev.
