Belgiya Ukrainaga F-16 qiruvchi samolyotlari yetkazib berishni 2028 yilgacha kechiktirdi

Belgiya 2024 yilda Ukrainaga va’da qilingan F-16 qiruvchi samolyotlarini yetkazib berishni keyinroqqa qoldirdi - endi samolyotlar 2028 yilgacha yetib keladi.

Bu haqda La Libre yozmoqda.

"2028 yilgacha Belgiya Ukrainaga 30 ta F-16 qiruvchi samolyotlarini yetkazib beradi," - deyiladi materialda.

Qayd etilishicha, qirollik Niderlandiyadan kelgan samolyotlarning so‘nggi partiyasini yetkazib berishga tayyorgarlikni boshlab yuborgan.

Samolyotlar birinchi navbatda Belgiyaga yetkaziladi va u yerda jo‘natishdan oldin texnik tayyorgarlikdan o‘tkaziladi. Niderlandiya, o‘z navbatida, Ukrainaga 24 ta F-16 qiruvchi samolyotini topshiradi, deb yozadi gazeta.