"Barselona" prezidenti: "Real"ning bu ishi meni hayron qoldirdi. Yutasizmi yoki yutqazasizmi, hurmat ko‘rsatish kerak"

"Barselona" prezidenti Joan Laporta Ispaniya Superkubogi finalidan keyin "Real" futbolchilari chempionlik koridoriga saf tortmaganidan hayratda.

"Barselona" "Real"ni 3:2 hisobida mag‘lub etib, kubokni qo‘lga kiritdi. Ma’lum bo‘lishicha, Kilian Mbappe taqdirlash marosimida jamoadoshlariga "Barselona" sharafini himoya qilish uchun yo‘lak ochishga xalaqit bergan. Kataloniya klubi futbolchilari turnirda ikkinchi o‘rinni egallagan jamoa sifatida "Real"ga faxrli yo‘lakni taqdim etishdi.

"Biz "Real"dan ancha kuchli edik. Biz yanada ko‘proq gol urib, g‘alaba qozonishimiz mumkin edi. To‘g‘risini aytsam, o‘ntadan olti yarim hissa qiynaldim.

Biz juda yaxshi edik, o‘yinni nazorat qilardik... Ammo "Real" har qanday qarshi hujumda bizga muammo tug‘dirishi mumkinligini ko‘rdim. Ammo biz o‘yinni nazorat qildik va bu xotirjamlik bag‘ishlaydi. Bu ideal ssenariy edi.

Bizga faxriy yo‘lakni ravo ko‘rishmaganiga hayronman. Yutasizmi yoki yutqazasizmi, hurmat ko‘rsatish kerak. Hurmat va saxovat ko‘rsatib, g‘alaba qozondik.

"Bernabeu"dagi o‘yindan (1:2) keyin futbolchilarning jahli chiqdi, ammo futbolchilarimiz o‘zlarini ajoyib tutishdi. Bu ular uchun aqldan ozish lahzasi bo‘lsa kerak. Ular allaqachon "Barsa"ning g‘alaba qozonish imkoniyati ko‘proq ekanini tasavvur qilishgandi, ammo buni ko‘rishdi, garchi bu oson bo‘lmagan bo‘lsa ham", - dedi Laporta.