BAA "Hizbulloh" va Eron bilan bog‘liq guruh hibsga olinganini e’lon qildi

Birlashgan Arab Amirliklari (BAA) rasmiylari Livan "Hizbulloh" harakati va Eron bilan bog‘liq guruhni zararsizlantirganini e’lon qilishdi.

Bu haqda WAM axborot agentligi BAA Davlat xavfsizlik idorasiga tayanib xabar berdi.

Bayonotga ko‘ra, operasiya davomida guruh a’zolari hibsga olingan.

"Davlat xavfsizlik idorasi Hizbulloh va Eron bilan bog‘liq guruhni yo‘q qildi va uning a’zolarini hibsga oldi", deyiladi bayonotda.

Agentlik tomonidan e’lon qilingan materiallarga ko‘ra, hibsga olinganlar pul yuvish, iqtisodiyotga putur yetkazish va milliy xavfsizlikka tahdid solishda ayblanmoqda.