Birlashgan Arab Amirliklari Germaniya iqtisodiyotiga, jumladan, sun’iy intellekt, energetika va mudofaa sohalaridagi loyihalarga taxminan 40 milliard yevro (taxminan 46 milliard dollar) sarmoya kiritishni rejalashtirmoqda.
BAA tashqi savdo vaziri Tani bin Ahmad Al Zeyudiy Bloomberg TV telekanaliga bergan intervyusida bu haqda ma’lum qildi.
Uning so‘zlariga ko‘ra, taxminan 10 milliard yevro Bavariyaga yo‘naltiriladi, qolgan mablag‘lar esa ikki mamlakat o‘rtasidagi hamkorlikning turli sohalaridagi loyihalarga ajratiladi.
"40 milliard yevro - bu faqat boshlanishi. Biz bu munosabatlarni keyingi bosqichga olib chiqadigan istiqbolli imkoniyatlarni qidiramiz", dedi Al Zeyudiy.
Vazirning ta’kidlashicha, investisiyalar BAA va Germaniya o‘rtasidagi "uzoq muddatli munosabatlar va strategik sheriklik"ni mustahkamlashga qaratilgan.
Bloomberg TV ma’lumotlariga ko‘ra, ma’lumotlar markazlari va sun’iy intellekt BAA iqtisodiyotini diversifikasiya qilishning asosiy yo‘nalishlaridan biridir. Mamlakat, shuningdek, Yaqin Sharqdagi davom etayotgan keskinliklar sharoitida Qo‘shma Shtatlardan tashqarida mudofaa sohasidagi hamkorlikni kengaytirishga intilmoqda.
Al Zeyudiyning so‘zlariga ko‘ra, yangi investisiya BAAning Germaniyadagi mavjud investisiyalariga asoslanadi, ularning umumiy qiymati taxminan 34 milliard yevroni tashkil etadi.
Vazir BAA Prezidenti Shayx Muhammad bin Zayd Ol Nahayonga 2019 yildan beri Germaniyaga birinchi rasmiy davlat tashrifida hamrohlik qildi.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
«Vafot etgan» Bibimaryam tirik ekani tasdiqlandi — Face ID ishga tushdi
