Meksikada karkidon ichida bir necha kishidan iborat oila bo‘lgan avtomobilga hujum qildi.
Hodisa Meksikaning Puebla shahrining safari parkida sodir bo‘ldi. Tegishli video “Daily Mail”da chop etildi deya xabar berdi “bigmir.net”.
Unga ko‘ra, karkidon mashinaga hech qanday sababsiz hujum qilib, shoxi bilan urishga harakat qilgan. Haydovchi ketmoqchi bo‘lganida esa hayvon mashinani to‘xtatib qolgan. Mehmonlar undan qutuldik deb o‘ylaganlarida esa karkidon mashinani ta’qib qila boshladi.
Hujum natijasida hech kim zarar ko‘rmadi. Hayvon esa parkning boshqa hududiga o‘tkazildi.
