«Arsenal» «Atletiko»ni mag‘lub etib, o‘z tarixida ikkinchi bor Chempionlar ligasi finaliga chiqdi (VIDEO)

Londonning «Arsenal» klubi Yevropa Chempionlar ligasi yarim finalining javob uchrashuvida Madridning «Atletiko» jamoasi ustidan g‘alaba qozondi. «Emireyts» stadionida bo‘lib o‘tgan bahs 1:0 hisobida mezbonlar foydasiga hal bo‘ldi.

O‘yindagi yagona gol 44-daqiqada maydon egalari hujumchisi Bukayo Saka tomonidan kiritildi. Ikki o‘yin natijasiga ko‘ra 2:1 hisobida zafar quchgan «kanonirlar» o‘z tarixida ikkinchi marotaba nufuzli musobaqaning final yo‘llanmasini qo‘lga kiritdi.

Endi «Arsenal» hal qiluvchi bahsda «PSJ» — «Bavariya» juftligi g‘olibi bilan kuch sinashadi. Ushbu jamoalar o‘rtasidagi dastlabki o‘yinda parijliklar 5:4 hisobida g‘alaba qozongan edi. Javob uchrashuvi bugun, 6 may kuni Myunxendagi «Alyans Arena»da bo‘lib o‘tadi.

Ma’lumot uchun, Chempionlar ligasining 2025/26 yilgi mavsum finali 30 may kuni Budapeshtdagi (Vengriya) «Pushkash Arena» stadionida o‘tkaziladi.

«ARSENAL» (Angliya) — «ATLETIKO» (Ispaniya) — 1:0

(Umumiy hisob — 2:1)

Gol: Bukayo Saka 45 (1:0).

«Arsenal»: Rayya, Saliba, Gabriel Magalyayns, Kalafyori (Inkapye, 58), Uayt, Rays, Lyuis-Skelli (Subimendi, 74), Eze (Edegor, 59), Trossar (Martinelli, 83), Saka (Madueke, 58), Dyekeresh.

«Atletiko»: Oblak, Gansko, Le Norman (Molina, 57), Rudjeri, Pubil, Koke, Lyorente, Lukman (Kardozo, 57), Simeone (Serlot, 57), Grizmann (Baena, 66), Alvares (Almada, 66).

Ogohlantirishlar: Arrisabalaga (90) — Pubil (81), Koke (90).