Ikki davlat rahbarlari bu haqda Pragada Yevropa Ittifoqi vakillari vositachiligida kelishib oldilar.
"Armaniston Yevropa Ittifoqining Ozarbayjon bilan chegarasidagi fuqarolik missiyasiga yordam berishga rozi bo‘ldi. Ozarbayjon ushbu missiya bilan o‘ziga tegishli bo‘lgan darajada hamkorlik qilishga rozi. Missiya oktyabr oyida boshlanadi va maksimal ikki oy davom etadi. Ushbu missiyadan maqsad ishonchni mustahkamlash va ularning hisobotlari orqali chegara komissiyalarining ishiga hissa qo‘shishdan iborat", — deyiladi yig‘ilishdan so‘ng e’lon qilingan hisobotda.
