Armaniston KXSHTdan yordam so‘rashdan bosh tortdi

Armaniston Kollektiv Xavfsizlik Shartnomasi Tashkilotidan yordam so‘rashdan bosh tortdi.

Erevan KXSHTdan Armanistonga yordam ko‘rsatish to‘g‘risidagi hujjatni 23 noyabrdagi yig‘ilishda ko‘rib chiqishdan olib tashlashni so‘radi, deya ma’lum qildi tashkilot bosh kotibi Imangali Tasmagambetov.

"Armaniston tomoni, garchi boshqa barcha ittifoqchilar bu qarorni qo‘llab-quvvatlagan bo‘lsa-da, bu hujjatga hech qanday qiziqish bildirmadi, bundan tashqari, ishimizning yakuniy qismida uni kun tartibidan butunlay olib tashlashni so‘radi", — deya ta’kidladi Tasmagambetov.