AQSh sobiq davlat kotibi Mayk Pompeo Fox News podkastida Qo‘shma Shtatlar uzoq vaqtdan beri ukrainalik harbiy xizmatchilarni tayyorlab kelayotganini aytdi.
“Bilish kerakki, Ukraina qurolli kuchlari anchadan beri AQShda tayyorgarlikdan o‘tmoqda”, — deya uning so‘zlaridan iqtibos keltirgan RIA Novosti.
Pompeo Markaziy razvedka boshqarmasi boshlig‘i bo‘lgan vaqtlari haqida gapirdi. Keyin, uning so‘zlariga ko‘ra, u bir necha bor Ukrainaning janubi-sharqiga borgan va u yerda Markaziy razvedka boshqarmasining boshqa xodimlari bilan birgalikda Ukraina maxsus kuchlariga turli yo‘llar bilan yordam bergan.