AQShning Isroildan so‘raydigan savollari bor

AQSh rasmiysining aytishicha, Oq uyda Gallantning ishdan olinishi bo‘yicha «jiddiy savollar» bor.

Bayden ma’muriyati Netanyaxuning mudofaa vaziri Yoav Gallantni ishdan bo‘shatish to‘g‘risidagi qaroridan xavotirda, «ayniqsa ikki urush o‘rtasida va Isroil Eronning ehtimoliy hujumidan himoyalanishga tayyorlanayotgan bir paytda», deya xabar beradi Axios axborot agentligi ismi oshkor etilmagan rasmiyga tayanib.

Rasmiyning so‘zlariga ko‘ra, Oq uy bu harakatdan «juda hayratda» va «Gallantning ishdan bo‘shatilishi sabablari va qarorga nima turtki bo‘layotgani haqida haqiqiy savollar» bor.

Gallantning ishdan bo‘shatilishi Isroilda ham g‘azab bilan kutib olindi, namoyishchilar Netanyaxu qarorgohi oldida namoyish o‘tkazdi va Tel-Avivdagi yirik magistralni yopib qo‘ydi.