Amerika Qo‘shma Shtatlaridagi g‘ayritabiiy issiqlik tufayli yuzdan ortiq odam o‘ldi yoki og‘ir ahvolda. Rasmiylar global isishning halokatli oqibatlarini qanday yumshatish kerakligini aniqlamoqchi. Bu haqda Bloomberg yozadi.
Jazirama oqibatida Oregon shtatida kamida 83 kishi, Vashington shtatida esa 112 kishi o‘lgan. AQShning qolgan shtatlarida o‘lim haqida xabar berilmagan, ammo Kanadada 600 ga yaqin odam o‘lgani ma’lum.
Iyul oyi oxirida AQSh Kongressi haddan tashqari issiqqa qarshi choralar ko‘rdi. Boshqa narsalar qatori, ular anomaliya oqibatlarini yumshatish uchun mo‘ljallangan mahalliy loyihalarni ishlab chiqish uchun 100 million dollar ajratishni nazarda tutadi.
2021 yil 28 iyun kuni Oregon shtatining Portlend shahrida harorat rekord darajaga (46,6 daraja) ko‘tarildi. G‘ayritabiiy issiqlik yo‘llarni eritib yubordi va elektr ta’minotida uzilishlar yuzaga keldi. Shtat bo‘ylab harorat Farangeytning 118 darajasiga (47,7 daraja) tushganda kamida 83 kishi halok bo‘ldi. Yana 33 kishi shifokorlar nazorati ostida.
BMT ekspertlarining iqlim o‘zgarishi haqidagi so‘nggi hisobotida so‘nggi o‘n yil 125 ming yil ichida eng issiq davr bo‘lgani qayd etilgan. 27 iyul kuni Oregon shtati ma’muriyati g‘ayritabiiy ob-havoning ta’siri to‘g‘risida hisobot e’lon qildi va xavf ostida bo‘lgan odamlarning holatini kuzatishni tavsiya qildi.
Harorat, ayniqsa, shaharlarda keskin ko‘tariladi.
