Nyu-York sudi Kolumbiya narkokartelining sobiq rahbari, Otonyel laqabli Dayro Usuguni 45 yillik qamoq jazosiga hukm qildi. Dayro Usugu Kolumbiyada eng ko‘p qidirilayotgan narkobaron hisoblanadi. Kolumbiya prezidenti Ivan Duke uni narkobaron Pablo Eskobarga qiyosladi.
"Bugun ertalab Bruklin federal sudida okrug sudyasi Dora Irizarri turli laqablar bilan tanilgan Kolumbiya fuqarosi Dayro Antonio Usuguni giyohvand moddalar savdosi bilan shug‘ullangan va milliardlab daromad olgan harbiylashtirilgan guruh rahbari sifatida jinoiy faoliyati uchun 45 yilga ozodlikdan mahrum qildi", — dedi AQSh Adliya vazirligi.
Sud, shuningdek, Dayro Usugani giyohvand moddalar bilan bog‘liq yana ikkita jinoyatda aybdor deb topdi. Har bir jinoyat uchun u 45 yil qamoq jazosiga hukm qilingan, biroq barcha muddatlar bir vaqtning o‘zida hisobga olinadi. Shuningdek, sud narkobaronni 216 million dollar to‘lashga majbur qildi.
"Fors ko‘rfazi klani"ning rahbari 2021 yil oktyabr oyida hibsga olingan. O‘tgan yilning may oyida u AQShga topshirilgan edi. U 2023 yil yanvarida har uchala ayblov bo‘yicha ham o‘z aybini tan oldi. 2015 yilda 1200 nafar Kolumbiya polisiyasi baronni qidirgan. O‘sha yili Kolumbiyada uni qidirish bo‘yicha operasiyada polisiya xodimlari ishtirok etgan vertolyot halokatga uchragandi hamda 18 kishi halok bo‘lgandi.
"Fors ko‘rfazi klani"ning rahbari Kolumbiya rasmiylari tomonidan mamlakatdagi eng kuchli jinoiy guruh deb atalgan. U "og‘ir qurollangan va o‘ta shafqatsiz" deb ta’riflangan. Kartel a’zolari giyohvand moddalar kontrabandasi, noqonuniy oltin qazib olish bilan shug‘ullangan. Fors ko‘rfazi klani ko‘plab giyohvand moddalarni yetkazib berish yo‘nalishlarini, shu jumladan Rossiyaga ham nazorat qilgan.
