AQSh vise-prezidenti Djey Di Vens va Isroil bosh vaziri Benyamin Netanyaxu Eron bilan muloqot o‘rnatish bo‘yicha sa’y-harakatlarni muhokama qilish uchun telefon orqali suhbatlashishdi.
Bu haqda Axios nashri xabar berdi.
"Vise-prezident Vens dushanba kuni ertalab Isroil bosh vaziri Netanyaxu bilan telefon orqali Eron bilan muzokaralarni boshlash bo‘yicha sa’y-harakatlarni muhokama qilish uchun suhbatlashdi", deyiladi xabarda.
Manbaga ko‘ra, Vens va Netanyaxu Eron bilan urushni tugatish bo‘yicha mumkin bo‘lgan kelishuvning tarkibiy qismlarini muhokama qilishgan.
Avvalroq AQSh prezidenti Donald Tramp Vashington va Tehron so‘nggi ikki kun ichida harbiy harakatlarni to‘xtatish bo‘yicha "juda yaxshi va samarali muzokaralar" o‘tkazganini aytgan edi. Uning so‘zlariga ko‘ra, muzokaralar hafta davomida davom etadi.
Eronda 19 yoshli sportchi dorga osib qatl etildi
Eron AQShning F-35ga qanday raketa bilan zarba berganini ko‘rsatdi
Eron Trampning Hormuz bo‘g‘ozini ochish haqidagi ultimatumiga javob berdi
