AQSh va Isroilning Eronga qarshi harbiy operasiyasi yadroviy qurol poygasining yangi bosqichini boshlashi mumkin.
Bu haqda Bloomberg xabar bermoqda.
Nashrning xabar berishicha, Yevropadan Osiyogacha bo‘lgan bir qator mamlakatlar o‘zlarining yadroviy arsenallarini rivojlantirish imkoniyatlarini tobora ko‘proq muhokama qilmoqdalar. Xususan, Polsha va Germaniya Fransiyaning "yadroviy soyaboni"ni Yevropa qit’asiga kengaytirish g‘oyasini qo‘llab-quvvatlay boshladilar.
Shuningdek, AQSh yadroviy sinovlarni qayta boshlashni ko‘rib chiqayotgani ta’kidlanmoqda.
"Bunday ommaviy qirg‘in qurollarini sotib olish imkoniyati hatto ularga hech qachon egalik qilmaslikka va’da bergan mamlakatlarda ham ochiq muhokama qilinmoqda. Biroq, ko‘proq mamlakatlarda ko‘proq yadroviy qurollar dunyoni xavfsizroq joyga aylantirmaydi", dedi MAGATE direktori Rafael Grossi.
U "so‘nggi yarim asr davomida insoniyatga xizmat qilgan" yadroviy qurollarni tarqatmaslik rejimini saqlab qolish muhimligini ta’kidladi.
Eronda bir baqqol do‘koni oynasida shunday yozuv ilgan:
Go‘sht narxi keskin oshmoqda
AQSh razvedkasi Trampni ogohlantirgan — Professor Jon Mirshaymer
