AQSh va Isroil Yamanga birgalikda zarbalar berdi

AQSh va Isroil "Ansor Alloh" isyonchi harakatidan hutiylar nazorati ostidagi Xodeyda shahriga qo‘shma zarbalar bermoqda.

Bu haqda husiylarga tegishli "Al Masirah" telekanali xabar berdi.

Saudiya Arabistonining "Al Hadath" telekanali xabariga ko‘ra, Isroil aviasiyasi Qizil dengiz sohilida joylashgan Xodeyda portiga hamda hutiylar yaqinidagi ob’ektlarga hujum qilgan. Telekanal manbalariga ko‘ra, 5 may oqshomida Al-Hodeyda provinsiyasi kamida 12 marta havo hujumiga uchragan.

Eslatib o‘tamiz, 4 may kuni Tel-Avivdagi Ben Gurion xalqaro aeroporti yaqinida yamanlik hutiylar tomonidan uchirilgan raketa portlagan edi. Isroil armiyasining bildirishicha, raketani bir necha bor urinishlariga qaramay tutib bo‘lmadi. Hodisa oqibatida 8 kishi jarohatlangan.

Husiylar raketa zarbasi uchun javobgarlikni o‘z zimmalariga oldilar. Harakatning harbiy voizi Yahyo Sariyaning aytishicha, isyonchi kuchlar aeroportga gipertovushli ballistik raketa bilan hujum qilgan. Isroil Bosh vaziri Binyamin Netanyaxu javob choralarini ko‘rishga va’da berdi.

Yamanning hutiylari G‘azo sektorida o‘t ochishni to‘xtatish kelishuvi buzilganidan keyin Isroilni muntazam ravishda o‘qqa tuta boshladi. Isyonchilar bir necha bor falastinliklar bilan birdamlik sifatida Isroil hududiga raketa va uchuvchisiz uchoqlardan zarbalar berayotganini aytishgan.