Qo‘shma Shtatlar va Fors ko‘rfazi hamkorlik kengashi davlatlari Hormuz bo‘g‘ozi ustidan bojlar, to‘lovlar yoki nazoratni joriy etishga qaratilgan har qanday urinishlarni rad etishdi.
Bu haqda AQSh va Fors ko‘rfazi hamkorlik kengashi davlatlari vazirlar uchrashuvidan keyingi qo‘shma bayonotda aytilgan.
Tomonlar Hormuz bo‘g‘ozi orqali erkin va to‘siqsiz kema qatnovi mintaqaviy va global xavfsizlikning kaliti ekanligini ta’kidladilar.
Vazirlar bo‘g‘ozdan o‘tish uchun bojlar yoki to‘lovlarni joriy etishga qaratilgan har qanday urinishlar qabul qilinishi mumkin emasligini va tranzit erkinligi prinsipi xalqaro huquq bilan kafolatlanishi kerakligini ta’kidladilar.
Hujjatda shuningdek, mintaqadagi keskinlikni kamaytirishga qaratilgan sa’y-harakatlarni qo‘llab-quvvatlash va muzokaralarda diplomatik sur’atni saqlab qolish muhimligi, jumladan, AQSh va Eron o‘rtasida bir nechta davlatlar vositachiligida erishilgan kelishuvlar qayd etilgan.
Vazirlar Yaqin Sharqda, jumladan, Suriya, Livan va G‘azo sektoridagi xavfsizlik masalalarida barqarorlikni ta’minlash zarurligini alohida ta’kidladilar va mintaqadagi davlatlarning suverenitetini mustahkamlash va nodavlat qurolli guruhlarning ta’sirini cheklash bo‘yicha sa’y-harakatlarni qo‘llab-quvvatladilar.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
