AQSh va Eron sulhni ikki haftaga uzaytirmoqchi

Bloomberg agentligining vaziyatdan xabardor manbalariga ko‘ra, Vashington va Tehron muzokaralarning ikkinchi raundiga tayyorgarlik ko‘rmoqda, shu sababli ular o‘rtasidagi sulh uzaytirilishi mumkin.

Shu bilan birga, Bloomberg suhbatdoshlari AQSh o‘t ochishni to‘xtatish rejimini uzaytirish bo‘yicha hozircha qaror qabul qilmaganini ta’kidlamoqda.

Ismini sir saqlashni so‘ragan amerikalik yuqori martabali amaldor Eron va AQSh ikki haftaga e’lon qilingan va kelasi seshanba, 22 aprel kuni o‘z nihoyasiga yetishi kerak bo‘lgan sulhni uzaytirish bo‘yicha muzokaralarni davom ettirayotganini ma’lum qildi.