AQSh o‘zining xorijdagi aktivlarini sotishga urinayotgan Rossiyaning “Lukoyl” neft-gaz kompaniyasi uchun sanksiyalarning kuchga kirish muddatini uzaytirdi

"Tegishli bitimlarni amalga oshirishni qiyinlashtirishi mumkin bo‘lgan sanksiya cheklovlari 13 dekabrgacha kechiktirildi (avvalgi muddat 21 noyabr edi). Ushbu sanaga qadar “Lukoyl”ga Rossiyadan tashqaridagi chakana yonilg‘i quyish shoxobchalariga xizmat ko‘rsatish, ulardan foydalanish yoki ularni tugatish bilan bog‘liq operasiyalarni amalga oshirishga ruxsat berildi. “Lukoyl” foydasiga keladigan barcha to‘lovlar maxsus bloklangan hisob raqamlariga tushishi kerak (ya’ni kompaniya ulardan foydalana olmaydi)", deyiladi AQSh Moliya vazirligi bayonotida.

Bundan tashqari, AQSh Moliya vazirligi “Lukoyl”, “Rosneft” va ularning Bolgariya va Qozog‘istondagi loyihalar bilan bog‘liq shu’ba korxonalari bilan bitimlarni amalga oshirishga ruxsat berdi.