AQSh Saudiya Arabistoni bilan yadroviy energiya bo‘yicha kelishuvni Kongressga taqdim etdi

Tramp ma’muriyati Saudiya Arabistoni bilan fuqarolik yadroviy hamkorlik shartnomasini Kongressga taqdim etdi.

Bu haqda Reuters agentiligi xabar berdi.

Agentlik ma’lumotlariga ko‘ra, AQSh ma’muriyati kelishuv faqat Saudiya Arabistoni qirollikning Isroil bilan munosabatlarini normallashtirishni nazarda tutuvchi Avraam kelishuvlariga qo‘shilgan taqdirdagina amalga oshirilishi mumkinligini ta’kidlamoqda.

22 iyul kuni AQSh Energetika vazirligi Vashingtonning Saudiya Arabistonining fuqarolik yadroviy dasturini qo‘llab-quvvatlashini nazarda tutuvchi kelishuv tuzilganini e’lon qildi. Hujjat bir necha o‘n yillar davomida amal qilishi va Amerika kompaniyalari uchun qirollikning yadroviy energetika sektorini rivojlantirishda ishtirok etish uchun keng imkoniyatlar ochishi kerak.

Ertasi kuni Tramp Saudiya Arabistoni kelishuvni amalga oshirish uchun Avraam kelishuvlariga qo‘shilishi kerakligini aytdi. U shuningdek, kelishuv yadroviy boyitishni nazarda tutmasligini ta’kidladi.

CNN xabariga ko‘ra, AQSh prezidentining bayonoti ham amerikalik muzokarachilar, ham Ar-Riyod uchun kutilmagan bo‘ldi.