AQSh Rossiya hududida Britaniyaning uzoq masofali Storm Shadow raketalaridan foydalanishga qo‘yilgan cheklovlarni bekor qilgan bo‘lishi mumkin

Bu haqda The Times ma’lum qildi.

Buyuk Britaniyaning o‘zi Storm Shadow raketalari bilan bunday zarbalarga ruxsat bera olmaydi, chunki Qo‘shma Shtatlar raketalarning yerdan 240 kmgacha pastdan uchishiga imkon beruvchi navigasiya ma’lumotlarini taqdim etadi.

Nashr suhbatdoshlari va Britaniya bosh vaziri Kir Starmerning bayonotlari Vashington va Londonning pozisiyalari o‘zgarganiga ishora qilmoqda.

"Ukraina bu urushda g‘alaba qozonishi uchun zarur bo‘lgan qurollarga ega bo‘lishini ta’minlashimiz kerak. Men operativ masalalarga to‘xtalmoqchi emasman, chunki bunday qilsam, faqat bir kishi g‘alaba qozonadi va u Putin bo‘ladi", — dedi Starmer.

Eslatib o‘tamiz, kecha Ukraina Amerikaning ATACMS bilan Rossiya Federasiyasiga birinchi zarbasini bergan edi.