AQSh rasmiylari "Kasperskiy laboratoriyasi" dasturiy ta’minotidan foydalanishni taqiqlashi mumkin

AQSh hukumati milliy xavfsizlik nuqtai nazaridan Amerika kompaniyalari va fuqarolariga "Kasperskiy laboratoriyasi" dasturiy ta’minotidan foydalanishni taqiqlashi mumkin.

CNN manbalarga tayanib xabar berishicha, qaror yakuniy bosqichda va shu oydayoq qabul qilinishi mumkin.

"AQSh davlat idoralariga "Kasperskiy laboratoriyasi" dasturiy ta’minotidan foydalanish allaqachon taqiqlangan, biroq xususiy kompaniyalarning undan foydalanishiga yo‘l qo‘ymaslik choralari misli ko‘rilmagan bo‘lar edi", - deyiladi nashrda.