The Washington Post ma’lumotiga ko‘ra, AQSh Markaziy razvedka boshqarmasi (MRB) va Pentagon Norvegiyada “Gavana sindromi” bilan bog‘liq maxfiy qurilmani tekshirgan.
Nashr manbalariga tayanib xabar berishicha, Norvegiya hukumatiga aloqador olim kuchli mikroto‘lqin energiya impulslarini chiqara oladigan qurilma yaratgan. U 2024 yilda uni o‘zida sinab ko‘rgan va “Gavana sindromi”ga o‘xshash alomatlarni his qilgan. Olimning shaxsi oshkor etilmagan.
Hisobotga ko‘ra, 2024 yilda Pentagon delegasiyasi qurilmani baholash uchun Norvegiyaga borgan. Shu yil dekabrida esa razvedka va Oq uy rasmiylari ham ushbu masala yuzasidan muzokaralar o‘tkazgan.
Biroq sinov natijalari bilan tanish shaxslar norvegiyalik olim boshdan kechirgan ta’sirlar klassik “Gavana sindromi”dan farq qilishini ta’kidlagan. Shuningdek, bu holat mazkur sindrom chet el dushmanlari tomonidan maxfiy qurol qo‘llanganini isbotlamasligi aytilgan.
Oq uy Milliy xavfsizlik kengashida biotahdidlar masalasini boshqargan sobiq amaldor, general Pol Fridrixsning fikricha, yo‘naltirilgan energiya qurollari inson salomatligi uchun turli xavflar tug‘dirishi mumkinligi haqida ishonchli dalillar mavjud.
Olim Yer aholisini «jahannam iqlimi»dan ogohlantirdi
Sadir Japarov Qamchibek Tashiyevni nega ishdan olganini tushuntirdi
Rossiyalik jurnalist AQShga jo‘nashdan oldin Netanyaxuning samolyotidan tushirib yuborildi
