Rossiya rahbari Vladimir Putin 16 iyun kuni Jenevada amerikalik hamkasbi Jo Bayden bilan uchrashuvdan bir necha kun oldin AQSh jurnalistlari bilan suhbatlashdi.
Putindan shov-shuvli jinoyatlar to‘g‘risida so‘rashdi: "Novaya gazeta" jurnalisti Anna Politkovskaya, auditor Sergey Magniskiy, muxolifatchi siyosatchi Boris Nemsov, FSB sobiq xodimi Aleksandr Litvinenko va sobiq vazir Mixail Lesinning o‘limi. Bunga javoban prezident "siz har xil vaqtda turli sabablarga ko‘ra turli odamlar tufayli azob chekkan va vafot etgan ko‘plab odamlarni sanadingiz" dedi. Putinning so‘zlariga ko‘ra, jinoyatchilar topilgan va Rossiya ushbu ishlarni yana tergov qilishni davom ettirishga tayyor.
"Matbuot vazirligining sobiq rahbari Lesinning o‘limiga kelsak, AQSh javobgar bo‘lishi kerak, –dedi Putin. – U AQShda vafot etdi. Sizdan u qanday qilib u yerda vafot etganini so‘rashimiz kerak".
Rossiya rahbari Lesinni bo‘lim boshlig‘i sifatida unga hamdard bo‘lgan munosib odam deb atadi. «U menga juda yoqardi. Hali ham u biz bilan emasligidan afsusdaman. U juda obro‘li va yaxshi inson edi", - dedi Putin.
Rossiya Matbuot vazirligining sobiq rahbari Mixail Lesin 2015 yilda Vashingtonda o‘lik holda topilgan. Deyarli bir yil davom etgan tergov natijalariga ko‘ra, AQSh huquqni muhofaza qilish idoralarixodimlari rossiyalikning o‘limida hech qanday jinoyat topilmaganligini aytishdi. Biroq nashrlar Lesin o‘ldirilganligini yozgandi.
