AQSh harbiy-dengiz kuchlari 2027 yilgacha Xitoy bilan urushga tayyorgarlik ko‘rish rejasini e’lon qildi

AQSh harbiy-dengiz kuchlari shtabi rahbari Liza Franchetti 2027 yilgacha Xitoyga qarshi ehtimoliy harbiy harakatlarga tayyorgarlik ko‘rish rejasini e’lon qildi.

Hujjat Xitoyning 2027 yilgacha Tayvanga bostirib kirishi haqidagi taxminiy rejalarini ko‘rib chiqishga da’vo qiladi.

"Amerika Harbiy-dengiz kuchlari uchun Navigasiya rejasi mening flotimizning tayyorgarligini oshirish, 2027 yilga kelib Xitoy Xalq Respublikasi bilan yuzaga kelishi mumkin bo‘lgan mojaroga tayyorlikni oshirish va harbiy-dengiz kuchlarining uzoq muddatli jangovar ustunligini oshirish bo‘yicha mening asosiy strategik yo‘riqnomamdir", dedi Franchetti.

Franchetti o‘z rejasida Xitoy rahbari Si Szinpinning ikki yil avval respublika armiyasini 2027 yilgacha “jahon darajasidagi” darajaga modernizasiya qilishga chaqirgan bayonotiga e’tibor qaratdi. Shundan so‘ng Si Szinpin mamlakat qo‘shinlarni tayyorlashni kuchaytirish va barcha sohalarda jangovar tayyorgarlikni oshirish niyatida ekanini aytdi. Bundan oldin Xitoy Xalq Respublikasi raisi ham asosiy e’tiborni harbiy harakatlarga tayyorgarlik ko‘rishga qaratishga chaqirdi.

Avvalroq NBC xabar berganidek, Si Szinpin AQSh prezidenti Jo Baydenga 2023 yil noyabrida bo‘lib o‘tgan sammitda Xitoy Tayvan bilan kuch bilan emas, tinch yo‘l bilan birlashishga intilayotganini aytgan edi. Telekanalning aniqlik kiritishicha, Xitoy rasmiylari uchrashuv arafasida Oq uy egasidan Pekinning “Tayvan bilan tinch yo‘l bilan birlashish” maqsadlarini qo‘llab-quvvatlashini, shuningdek, Qo‘shma Shtatlar orol mustaqilligini tan olmasligini e’lon qilishni so‘ragan. Ammo Vashington bu talabni rad etdi.

Xitoy Tayvanni o‘zining ajralmas hududi deb biladi va orol hukumatiga har qanday tashqi yordamni, shu jumladan xorijiy delegasiyalarning tashrifini Xitoy suverenitetini buzish deb biladi.