AQSh Germaniyadan 5000 askarini olib chiqmoqda

Qo‘shma Shtatlar Germaniyadan 5000 askarni olib chiqishni boshlamoqda.

Bu haqda Pentagon vakili Shon Parnell ma’lum qildi.

Uning so‘zlariga ko‘ra, Amerika qo‘shinlarini olib chiqish keyingi olti-o‘n ikki oy ichida yakunlanishi rejalashtirilgan.

Vashingtonning qarori AQSh prezidenti Donald Tramp va Yevropaning NATO ittifoqchilari o‘rtasida Eron bilan urush borasida kelishmovchiliklar kuchayib borayotgan bir paytda qabul qilindi.

Tramp ilgari Germaniya kansleri Fridrix Mers bilan bo‘lgan mojarodan so‘ng Germaniyadagi Amerika harbiylarining mavjudligini qisqartirish mumkinligi haqida ogohlantirgan edi. Bunga Mersning Eron ikki oylik mojaroni tugatish bo‘yicha muzokaralarda AQShni sharmanda qilayotgani haqidagi bayonotlari sabab bo‘lgan.