Yamandagi husiylarga qarshi hujum Donald Tramp ma’muriyatining Eronga "maksimal bosim" o‘tkazish strategiyasining boshlanishi, xolos, dedi AQSh moliya vaziri Skott Bessent.
"Bu kuchli signal va u avvalgi ma’muriyat siyosatidan tubdan farq qiladi. Husiylar va Eron bu faqat boshlanishi ekanini tushunishi kerak. Biz jahon savdosini sekinlashtiradigan va inflyasiya bosimini oshiradigan kemalar qatnovi erkinligining bloklanishiga yo‘l qo‘ymaymiz. Ikki hafta oldin Tramp Eronga "maksimal bosim" strategiyasini e’lon qildi, uning maqsadi Eron nefti eksportini nolga tushirishdir," - dedi u NBC News telekanaliga bergan intervyusida.