AQSH: "Eron Hormuz bo‘g‘ozini nazorat qilmaydi"

Qo‘shma Shtatlar Islom inqilobi qo‘riqchilari korpusi (IIQK) dengiz floti Hormuz bo‘g‘ozini nazorat qilayotgani haqidagi da’volarni rad etdi.

Bu AQSh Markaziy qo‘mondonligi (CENTCOM) bayonotida aytilgan.

"Haqiqat shundaki, Eron Hormuz bo‘g‘ozini nazorat qilmaydi. IIQK tahdidlari va hujumlariga qaramay, xalqaro suv yo‘li tranzit uchun ochiqligicha qolmoqda", deyiladi bayonotda.

Unda tijorat kemalari AQSh harbiylarining ko‘magida bo‘g‘ozdan o‘tishda davom etayotgani ta’kidlangan. Ta’kidlanishicha, may oyining boshidan beri AQSh kuchlari Hormuz bo‘g‘ozi orqali 900 dan ortiq kemaning xavfsiz o‘tishini ta’minlagan.