Tehron uran boyitish bilan shug‘ullanishni davom ettira olmaydi, chunki bu yadro qurolini yaratishga olib kelishi mumkin. AQSh prezidentining maxsus elchisi Stiven Uitkoff aytishicha, bu Vashingtonning tamoyiliy pozisiyasidir.
"Bizda juda aniq bir qizil chiziq bor, va bu uran boyitishdir, - dedi u ABC News telekanaliga bergan intervyusida. - Biz Eronning hatto 1 foiz boyitish quvvatiga ega bo‘lishiga ham yo‘l qo‘ya olmaymiz. Hamma narsa bizning tamoyiliy pozisiyamizdan, ya’ni boyitish imkoniyatini o‘z ichiga olmaydigan kelishuvdan boshlanadi. Biz bunga yo‘l qo‘ya olmaymiz, chunki boyitish yadro qurolini yaratish imkonini beradi."
Uitkoffning ta’kidlashicha, Qo‘shma Shtatlar Tehronning yadro dasturi masalasida "echim topishni istaydi". "O‘ylaymanki, biz bunga erisha olamiz," - deya qo‘shimcha qildi u.
Uitkoff, shuningdek, AQSh va Eron vakillari kelgusi hafta Yevropada uchrashuv o‘tkazishini ma’lum qildi. Uning fikricha, AQSh uchun Eron bilan muzokaralarda "o‘z maqsadlariga erishishning ko‘plab yo‘llari" mavjud.
Go‘zallik malikasi 9 oyga qamaldi
Istanbuldagi muzokarada Rossiya Ukrainaga beshta shart qo‘ydi
"Sizlar bizga terrorchi, biz esa sizlarga suv beramiz"
