Angliya terma jamoasi Yevro-2024dagi g‘oliblik uchun qancha bonus olishi ma’lum bo‘ldi

Angliya terma jamoasi futbolchilari Yevropa chempionati-2024dagi g‘alaba uchun 11,3 million yevro miqdorida bonus olishadi.

Agar Angliya turnir g‘olibiga aylansa, milliy jamoa bosh murabbiyi Garet Sautgeyt 4,7 million yevro bilan taqdirlanadi.

Bundan tashqari, Angliya terma jamoasi uchun umumiy bonus Qatardagi JCH-2022da birinchi o‘ringa beriladigan mukofot pulidan oshadi.

Angliyaliklar Germaniyadagi Yevropa chempionati guruh bosqichida Serbiya, Daniya va Sloveniya bilan o‘ynashadi.