“Amerika ovozi” eshittirishlarini qayta boshlashga tayyorlanmoqda — Washington Post

"Amerika ovozi" Tramp ma’muriyati farmoni bilan mart oyida to‘xtatilgan eshittirishni davom ettirishga tayyorlanmoqda, deb yozadi Washington Post.

Xorijiy auditoriyaga yo‘naltirilgan davlat teleradiokompaniyasi - Voice of America xodimlariga ofisga bosqichma-bosqich qaytish va efirni davom ettirishga ruxsat berildi, deyiladi AQSh Adliya vazirligi maktubida.

Tramp ma’muriyati AQSh Global media agentligini tugatish to‘g‘risida farmon chiqargandan so‘ng, radiostansiya mart oyidan beri amalda yopilgan. Xodimlar va ular bilan bog‘liq tashkilotlar tomonidan bir qator da’volardan so‘ng, AQSh okrug sudyasi prezident farmoni o‘zboshimchalik bilan chiqarilgan va ehtimol uning vakolatidan tashqariga chiqqan deb qaror chiqardi va apellyasiya bo‘yicha yakuniy qarorni kutish uchun "Amerika ovozi" faoliyatini davom ettirishga ruxsat berdi.