Isroil tashqi siyosat bo‘yicha ekspert, professor Amnon Aranning fikricha, AQSh sobiq prezidenti Donald Trampning so‘nggi bayonotlari va ijtimoiy tarmoqlardagi ritorikasi AQShning Eron-Isroil mojarosiga bevosita aralashish ehtimolini oshirmoqda.
BBC Radio 5 Live’ga bergan intervyusida Aran, Tramp o‘z harakatlari bilan “orqaga qaytish qiyin bo‘lgan chiziqqa yaqinlashmoqda”, deya ogohlantirdi.
“Trampning bayonotlarida AQShning mojaroga tobora ko‘proq aralashishga tayyorligi seziladi”, — dedi u.
Tramp yaqinda Truth Social’da qilgan postlarida AQSh sabr-toqatining tugayotganini bildirgan va Eronning shartsiz taslim bo‘lishini talab qilgan.
CBS manbalariga ko‘ra, Tramp AQSh Milliy xavfsizlik kengashi bilan Isroilga birgalikda zarba berish, xususan, Eronning Fordodagi yadroviy inshootini nishonga olish masalasini muhokama qilgan.
Reuters ham xuddi shunday xabar tarqatib, Tramp jamoasi Eron yadroviy ob’ektlariga hujum qilish bo‘yicha bir necha harbiy variantlarni ko‘rib chiqayotganini ma’lum qilgan.
Ekspertlar fikricha, hozirda AQSh Eron-Isroil mojarosiga aralashishga “hech qachongidek yaqin”.
Dahshat! Eron birinchi marta zamonaviy vertikal raketalardan foydalanmoqda
Uta Abe Diyora Keldiyorovaga "vizov" tashladi
Nihoyat! Arab davlatlari Eron — Isroil urushi borasida "tilga kirdi"
